Сопственикот на една мала продавница вели дека само сакал „некој сличен“ на претходниот вработен
Во морето огласи за работа кои секојдневно изненадуваат, се најде и овој: имено, Шпанецот Хавиер Маркос бара асистент за работа во продавница, но под многу специфични услови – може да се пријават само жени над 40 години.
Сопственикот на една мала продавница за завеси вели дека „само сакал да најде замена за работникот кој заминува во пензија и затоа сакал некој сличен“.
Сепак, не сите ја разбраа како што треба неговата намера. Трудовиот инспекторат реагираше и поради дискриминација по основ на возраст и пол му изрече глоба – во висина од точно 7.501 евро.
Како што пишува британски Гардијан, Маркос веднаш по опомена од Трудовиот инспекторат го повлекол огласот, но и покрај тоа – добил парична казна.
Немав намера да дискриминирам никого. Згора на тоа, сакав да им понудам можност за вработување на членовите на социјалната група на кои им е особено тешко да најдат работа – рече Маркос, додавајќи дека жените го сочинуваат најголемиот дел од неговите клиенти.
ВИДЕО: Една жена годишно издвојува до 2.000 евра за средства за хигиена за менструалниот циклус
