Тиктокерот Џордан Хаулет кој тврди дека ги знае „најсочните“ тајни на рестораните за брза храна открил зошто помфритот на „McDonald’s“ има поинаков вкус.
Како што навел тој, причината за тоа е говедската арома која се додава во текот на подготовката на помфритот.
Џордан вели дека знае зошто помфритот на „McDonald’s“ е толку добар, додавајќи дека има лоши вести за вегетаријанците.
Тиктокер ја открил тајната за вкусот на помфритот на „McDonald’s“: „Лоши вести за вегетаријанците“
„Тоа е затоа што „McDonald’s“ го пржи помфритот во растително масло помешано со говедска арома“, објаснува Тиктокерот во видеото.
„Претпоставив дека ова е информација која луѓето со проблеми во исхраната можеби би сакале да ја знаат. Без разлика дали содржи месо или не, тоа всушност не го менува моето мислење за помфритот од „McDonald’s“. И понатаму уживам во него“, вели Џордан.
На својата веб-страница, ланецот ресторани за брза храна објаснува дека кога неговите добавувачи делумно го пржат помфритот, користат мешавина од масла која содржи говедска арома.
„Природната арома на говедско содржи хидролизирана пченица и хидролизирано млеко како почетни состојки“, напоменува компанијата на својата страница.
